له بېلابېلو قومي مشرانو او مخورو سره کتنه!
د سرحدونو او قبایلو چارو وزیر ښاغلي محمد شفیق ګل آغا شېرزي نن چهارشنبې د ۱۳۹۸ لمریز کال د لیندۍ میاشتې په ۱۳ مه نېټه د بېلابېلو ولایتونو له قومي مشرانو او مخورو سره د خپل کار په دفتر کې وکتل.
په دې کتنه کې، چې د وزارت مالي او اداري مرستیال ښاغلی شجاع المک جلاله او د دفتر رئيس ښاغلی نور آقا ناصري هم حاضر و، راغلو مشرانو د خپلو سیمه ییزو ستونزو شریکولو ترڅنګ د موجوده نظام او په ځانګړي ډول د افغانانو په مشری د بین الافغاني سولې څخه ملاتړ څرګند کړ، دوی همدا راز د ټاکنو له خپلواک کمېسیون څخه وغوښتل، چې د ولسمشریزو ټاکنو پایلې دې پر ټاکي وخت اعلانې کړي.
ورپسې د سرحدونو او قبایلو چارو وزیر ښاغلي محمد شفیق ګل آغا شېرزي په خپلو خبرو کې د یادو قومي مشرانو او مخورو ستونزې پرځای وبللې وې ویل: سوله یو الهي نعمت دی، چې انشاالله ستاسو درنو مشرانو په شتون کې به له دې نعمت څخه ټول هېوادوال برخمن او په هېواد کې به د جګړې ټغر ټول شي.
همدا راز ښاغلي شېرزي زیاته کړه د سرحدونو او قبایلو چارو وزارت د ټولو مېشتو قومون ګډ کور دې او د وزارت دروازې تل ستاسو درنو مشرانو پرمخ پرانېستې دي.
