د جرګو او قبایلي چارو همغږۍ معینیت

د جرګو او قبایلي چارو د همغږۍ معینیت د سرحدونو او قبایلو چارو وزارت یو مهم معینیت دي، چې په مرکز او ولایتونو کې د قومونو او قبایلو تر منځ د جرګو جوړولو له لارې د دوی ستونزې اواروي، ورور ګلوي او یووالي ته یې را بولي.

 د دې معینیت  مهمې دندې په لاندې ډول دي:

د ملي موخو تر لاسه کولو لپاره د قومونو او قبایلو تر منځ  یووالی.

د ملي یووالي او سوله ییزې فضا د رامنځته کولو لپاره د قومونو او قبایلو هر اړخیزه پېژندنه او تحلیل.

 د قومونو او قبایلو تر منځ د ملي یووالي د ټینګښت په اړه د دولت د اساسي موخو د توضیح او تشریح  لپاره  د سرحدونو او قبایلو چارو  وزارت له پلان سره سم د جرګو جوړول.

د دولت مثبتو پالیسیو ته د قومونو او قبایلو نږدې کول.

د سولې او  امنیت د تامین په اړه د حکومت له  فعالې خطې مشې څخه د قومونو او قبایلو د عامه ذهنیتونو روښانول.

د جرګو له لارې د قومونو او قبایلو تر منځ د سولې د مذاکراتو لړۍ جاري ساتل.

 د ملي وحدت دټینګښت د یوې وسیلې په توګه د قومي شورا ګانو جوړول.

 

 د سرحدي او سرحد ته څېرمه قومونو، قبایلو او دولت تر منځ د همغږۍ او مرستې په موخه د لیدنو کتنو د ترسره کولو اسانتیاوې برابرول.

  د ملي او سیاسي موخو د لاس ته راوړلو په موخه د دولت ارګانونو ته سالمې مشورې ورکول.

  د سرحدي قومونو او قبایلو د ټولنیزو، سیاسي او نظامي حالاتو شننه او مطالعه او د دولت له ګڼ شمېر ملي او امنیتي ارګانونو سره همغږي او هغوی ته د اغېزناکو کاري لورو ورکول.

 د جرګو او قومي شوراګانو له لارې د قومي او سمتي شخړو اوارول.

 په سرحدي سیموکې د دولت د پالیسۍ، فرمانونو، مصوبو او د مقاماتو د لارښوونو او احکامو  پلي کول.

د افغاني ټولنې د سالمې فکري رهبرۍ په برخه کې د مرستې په موخه د عالمانو او پوهو شخصیتونو تشخیصول.

 د تشریفاتو ریاست مېلمستونونو ته د اعاشې او اباطې لپاره د مېلمنو له ثبت او راجستر څخه څارنه او د هغوی ورپېژندل.

  د قبایلي کارتونو ترتیب او تنظیم او مستحقو کسانو ته د کارتونو وېشل.

  د قومي شورا ګانو ثبت او راجسترول.

 په پرله پسې توګه د دویمو واحدونو د کاري لوریو رپوټ اخستل.

 

د سرحدونو او قبایلوچارو وزارت دجرګو او قبایلي چارو دهمغږۍ معین ښاغلی محمد یعقوب احمدزی

mobta

الحاج محمد یعقوب احمدزی د حاجي محمد سلیمان خان زوی په 1341 ل کال کې د لوګرولایت د محمد اغې ولسوالۍ د سرخاب کلي کې په یوه مسلمانه او دینداره کورنۍ کې زېږدلی دی.

لومړنۍ زده کړې  ېې د چهاردهي په منځني ښوونځي اومنځنۍ زده کړې یې په بریالۍ توګه دحبیبیی په لېسه کې سرته ورسولې.

دا، چې نوموړی په یوه مبارزه کورنۍ کې دنیاته زیږېدلې ؤ پلاراومشران وروڼه یې د هېواد د سیاسي فعالینوله جملې څخه شمیرل کیدل له همدې امله د نوموړي درې وروټه د 1357 ل کال کوتاه وروسته د کمونستي رژیم لخوا ونیول شول اوزندانیان شول او وروسته په شهادت ورسېدل . نوموړی د خپلې کورنۍ سره پاکستان ته مهاجر او هلته یې سیاسي اوجهادي فعالیتونه پيل وکړ .

 په 1360 ل کال کې د وخت څخه په ګټې اخستنې سره دلوړو زده کړو د پوره کولو په موخه د سعودي هېواد ته ولاړ او د ریاض پوهنتون د ژبواو ادبیاتو په پوهنځي کې شامل شو.

وروسته له څلوروکلونو د نوموړی يوهنتون څخه فارغ اودهجرت کلی ته راوګرځې  د هجرت کلی ته له رسېدوسره سم یې د ګران هېواد د خپلواکۍ او دشورویانو له منګولوڅخه یې د ژغورلولپاره سیاسي اوجهادي فعالیتونه اونه ستړی کیدونکی مبارزې ډګرته ودانګل ، شپه او ورځ یې هلې ځلې وکړې چې د ستونزوسره سره د جبهو او د افغانستان د بیلابیلو جهادي تنظیمونوسره اړیکی ټینګی اوفعالیت وکړې د مجاهدینود لیکود پياوړتیا اویووالي لپاره یې مبارزه وکړه اوپه دغه لارکې یې ډیرې بریاوی په برخه شوی ،

 چې په پایله کې د افغانستان مسلمان ملت جهاد بریالیتوب ته ورسید. اود مجاهدینوسره بریالۍ کابل ته را ننوت . د خپل شتون سره یې په کابل کې په پوره مسولیت دسولې اوملي یووالي  د ټینګښت لپاره دسولې د شورا په جوړیدو وتوانید او له ښکېلو خواوو سره یې خبرې پیل کړی ترڅوتریوی کچی د کورنیو جګړو مخه ونیسی ، همدارنګه په 1373 ل کال کې دافغانستان د اسلامی جمهوریت جمهور رئیس دفرمان له مخی د افسوتر ترانزیتی عمومی شرکت د ریس په توګه وټاکل شو. وروسته له دووکالونوبریالۍ دندی په 1375 ل کال کې د طالبانو د واکمنی په دوره کې یوځل بیا هجرت ته اړشو . کابل یې پریښود او د مقاومت په جبهه کې شامل شو.

د طالبانو رژیم له ماتېدو وروسته بیا کابل ته راغی او د وخت د جمهورریس لخوا په پخوانۍ دنده  افسوترشرکت د دریس په توګه وګمارل شو.

په 1381 ل کال کې د جمهوري ریاست مقام لازمه وګڼله چې نوموړی د سپکوصنایعو وزارت دتخنیکي اوطبي متممو موادو د رئیس په توګه وټاکې، چې اووه میاشتې یې په صداقت سره دنده ترسره کړه .

دا، چې نوموړی یوقومی شخصیت ؤ او د قومونوپه منځ کې دښه نوم اوباورڅخه برخمن ؤ اودقومونو په منځ کې د کارکولو لپاره اغیزناک شخصیت بلل کېده ، له همدی امله په 1381  کال کې دسرحدونو اوقبایلوچارو وزارت په وړاندیز او  دجمهوری ریاست  د مقام په منظوری دسرحدونواوقبایلو چارو وزارت د شمال ختېځ زون د رئیس په توګه وټاکل شو. نوموړی دهېواد د قومونوترمنځ د یووالي اوسولې د ټینګښت لپاره ډېرې هلی ځلی وکړې، چې د خپل وګټورو او اغېزمنو فعالیتونو له امله وروسته د دغه وزارت د ولایتونود اړیکود رئیس په توګه وګمارل شو.

دا، چې دسرحدونو او قبایلو چارو وزارت رهبری پلاوی د هېواد له بیلابیلو قومونوپه منځ کې  دده د سترګولیدلو فعالیتونو اوګټورو خدمتونوڅخه پوره پوره خبراومعلومات درلودل له همدی امله ، دسرحدونواوقبایلوچارو وزارت په وړاندیزاو دافغانستان د اسلامي دولت د جمهوری ریاست عالي مقام په منظورۍ په 1386 ل کال کې د دغه وزارت دجرګو او قبایلي چارو د همغږۍ د معین په توګه وټاکل شو. چې تراوسه په دغه پست کې کارکوي. تراوسه پوری د خپلوهڅوکاراوفعالیت له امله د ښاغلی جمهورریس لخوا دوه ځلی په لومړۍ درجې تقدیرنامې ، څو درې یمو  درجو تقدیرنامو اوڅوځلی د مسولومقاماتولخوا په مکافاتو ویاړل شوی دی.

 ښاغلی احمدزی دعالي مدیریت ترڅنګ یوتکړه اوپیاوړی لیکوال اوشاعرهم دی، چې ګڼ شمېردیني او ادبي مقالې مضامین اوشعرونه یې دهېواد په بیلابیلو ورځپاڼو، جرېدو اومجلودهغی جملی څخه د سرحدونو اوقبایلو چارو وزارت د چاپی خپرونو له لاری چاپ اوخپاره شوی دی.