د سرحدونو، قومونو او قبایلو چارو وزارت ګومارل شوی لوړ پوړی هيئت د رسمي سفر په ترڅ کې زابل ولايت ته رسیدلی.
۱۴۰۰/۱۱/۱۲ سه شنبه
د سرحدونو قومونو او قبایلو چارو وزارت لوړ رتبه هیئت چې په رأس کې يې د یاد وزارت د جرګو او قبايلو د همغږۍ رئیس ښاغلی مولوي محمد اسماعیل، د تفتش رئیس ښاغلی ملا نیازمحمد، د سرحدونو د برسي ریاست مرستیال ښاغلی غلام نبي صافی د خپل کاري سفر په ترڅ کي د زابل ولايت د سرحدونو او قبایلو رياست څخه ليدنه وکړه.
د زابل د سرحدونو چارو رئیس سحر اخندزاده هيئت ته ښه راغلاست ووايه او د زابل د سرحدونو او قومونو اړوند يې معلومات وړاندي کړل. د پلاوي مشر ښاغلي مولوي محمد اسماعیل په خپلو خبرو کې وویل، چې د سرحدونو قبایلو چارو وزارت د رهبرۍ د هدایت پر اساس (۷) ولایتونوغزنی، زابل، کندهار، هلمند، فراه، نیمروز او هرات د سرحدونو او قبایلو چارو ریاستونو د برسي، د اداري چارو ارزیابي کولو، د قومونو او قبایلو سره د لیدلو او د هیواد د سرحدونو د هغو صفري نقطو څخه لیدنه يې مهم اهداف دي.
په خبره يې په دې رسمي سفر کې د دې تر څنګ د اړوندو ریاستونو د فعاليتونو د ارزيابي او چارو د ښه تنظيم په اړه هم کار کوي.
ښاغلی مولوي محمد اسماعیل زیاتوي چې د کوچیانو چارو د سمون اداره د وزیرانو شوراء د پريکړې پر اساس د سرحدونو او قبایلو وزارت په تشکيلاتو کي مدغميږي او دوئ به په دې سفر کي په دې برخه کي هم کار کوي.
