جوزجان ولایت په خو اجه دوکوه او آقچې ولسوالیو کې د خلکو ترمنځ د یووالي او د اسلامي شریعت د نفاذ په موخه غونډې ترسره شوې
پنجشنبه، ۲۰ ربیعالاول ۱۴۴۸ هـ.ق
د سرحدونو، قومونو او قبایلو رئیس مولوي غلام نبي صمیم او نورو مسؤلینو یادې غونډې ته په خپلو خبرو کې د خلکو ترمنځ د یووالي او ورورولۍ پر پیاوړتیا، له قومي، ژبنیو او سمتي اختلافاتو څخه د ډډې پر اهمیت ټینګار وکړ.
نوموړو همداراز له خلکو وغوښتل چې په خوښیو، ماتم او له حج څخه د راستنېدو په مراسمو کې د ناسمو دودونو او رواجونو په برخه کې د امیرالمؤمنین حفظه الله تعالی فرمان ته غاړه کېږدي.
همداراز د یادې ولسوالۍ اوسېدونکو په خپلو خبرو کې د داسې ناستو جوړول د خلکو او مسؤلینو ترمنځ د اړیکو د پیاوړتیا او د امیر د فرمانونو څخه د خلکو د خبرولو لپاره مهم وبلل او د اسلامي نظام د ملاتړ او له مسؤلینو سره د همکارۍ ډاډ یې څرګند کړ.
په ورته مهال د یاد ولایت په اقچې ولسوالۍ کې هم قومي غونډه جوړه شوه. د سرحدونو، قومونو او قبایلو رئیس مولوي غلام نبي صمیم په دې غونډه کې د ټولنیز ثبات د ټینګښت، متقابلې همکارۍ او له اختلاف او تفرقې څخه د ډډې پر اهمیت خبرې وکړې.
نوموړي وویل، چې د خلکو او مسؤلینو ترمنځ همغږي کولی شي د ولسي ستونزو د حل او د ټولنیزو چارو د ښه تنظیم زمینه برابره کړي. په پای کې، دیني علماوو او قومي مخورو د خلکو د ستونزو د اورېدو او د شریعت له اصولو سره سم د هغو د حل غوښتنه وکړه او د یووالي، ثبات او اسلامي نظام د پیاوړتیا په برخه کې یې د خپلې همکارۍ ډاډ څرګند کړ
