له افغانستان څخه د پخواني شوروي اتحاد د سره پوځ د ماتې او وتلو کلېزه ولمانځل شوه!
د لوې کندهار معززو مشرانو د سرحدونو او قبايلو چارو د وزير ښاغلی محمد شفیق ګل آغا شیرزي تر مشرتابه لاندې، نن په کندهار کې د پخواني شوروي اتحاد د سرو لښکرو د ماتې او وتلو ورځ، چی زموږ د ګران او مجاهد ولس په بیساري قربانۍ او مجاهدت رامنځته شوه ولمانځله.
په دې پراخه غونډه کې دولس محترمو استازو، د سولې چارو کی ارشد سلاکار مسعود اخند زاده ، دولایت مرستیال حاجی اغا لالۍ دستګیری او همدارنګه د کندهار ، هلمند، ارزګان، زابل، نيمروز او فراه قومي مشرانو او متنفذینو برخه اخیستي وه او ګډونوالو هیله وښوده، چی ډیر ژر د افغان حکومت په مشرتابه او د ولس د مشرانو، علمای کرامو او سیاسیونو په ګډون بین الافغاني مذاکرات پیل او د خلګو له غوښتنو سره سم به واحده کړنلاره جوړه شي.
همدارنګه د لوی کندهار مشرانو د اوربند او تاوتریخوالې د کمولو لپاره خپل مشخص وړاندیزونه وړاندې کړل.
په پای کې د سرحدونو او قبایلو چارو ښاغلی وزیر د سلواغې شپږوېشتمه یوه تاریخي ورځ وبلله او د ولس د سرښندونو او دجهاد کارنامو په ستایلو سره د مشرانو څخه د مننې ترڅنګ، دسولی او بین الافغانی مذاکراتو پیل او کامیابي د افغان ولسمشر او حکومت اساسی لومړیتوب وباله او ژمنه یی وکړه، چی د اوربند او تاوتریخوالي دکموالې په هکله، دیادی حوزی د مخورو او مشرانو نظریات او وړاندیزونه به د سولې چارو وزارت او جلالتمآب ولسمشر سره شریک کړي.
غونډه په هېواد کی دسرتاسری او دایمې سولې په دعا سره پای ته ورسیده.
