په ننګرهار کې د دوو کورنیو ترمنځ نږدې د شپيتو کالو په دوام اوږده دښمني هواره شوه
دوشنبه ۳ ربيع الأول ۱۴۴۸
د دغه ولايت د سرحدونو، قومونو او قبایلو چارو ریاست مسؤلينو له لوري د سیمه ییزو مشرانو او علماوو په همکاري د هسکې مينې ولسوالۍ په مربوطاتو کې د دوو کورنيو ترمنځ د شپږو لسيزو دوامداره دښمني حل او ښکېلو خواوو د ورورولۍ غاړې سره ورکړې.
یاده شخړه، چې په ترڅ کې یې دواړو غاړو ته لوی مالي تاوانونه رسېدلي وو، د روغي جوړې په مراسمو کې يې مسؤلينو د عفوې او بښنې پر ارزښت ټينګار وکړ. دوی همداراز په ټولنه کې ناوړه دودونه او بې ځايه رواجونه د ډيرو لويو شخړو او وژنو لاملونه ياد کړل او له خلکو يې وغوښتل، چې په وړو مسائلو لويو تربګنيو او دښمنيو ته زړونه ښه نه کړي.
په پای کې د دواړو کورنیو استازو په خوښي د مسؤلينو له لوري د روغې جوړې پرېکړه ومنله او ژمنه یې وکړه، چې له دې وروسته به دښمني او کرکه نه کوي بلکې ورورولي او ګډ سوله ییز ژوند ته به دوام ورکوي
