په ولسواليو کې له خلکو سره د ولسي همغږۍ، يووالي او ستونزو او رېدو غونډې
پنجشنبه ۲۵ ربیعالاول ۱۴۴۷
د سرحدونو، قومونو او قبايلو چارو وزارت په لارښوونه د ولسواليو په کچه د اسلامي اخوت ترسرليک لاندې پيل شويو غونډو په ترڅ کې دا ځل د کندز په خان آباد، هرات په پشتون زرغون، تخار په کلفګان، فارياب په بندر او ننګرهار په کوټ ولسوالي کې پراخه ولسي غونډې ترسره شوې.
د دغو غونډو پرمهال د اسلامي امارت مسؤلينو او اړوندو رياستونو استازو په خپلو ويناوو کې ولسي خلکو، قومي مشرانو او د غونډو ګډونوالو ته د اسلامي شريعت په رڼا کې د خلکو حقوق بيان کړل، د هغوی ترمنځ يې د يووالي او همغږۍ پرټنګښت ټينګار وکړ او له ولسونو يې وغوښتل، چې د همدې جلسو له لارې خپلې سيمه ېېزې ستونزې له مسؤلينو سره مخامخ شريکې کړې.
يادو مسؤلينو همداراز د اميرالمؤمنين حفظه الله وروستي فرمانونه خلکو ته تشريح کړل او د هغو د عملي کولو سپارښتنې يې وکړې، چې عامو خلکو يې د تود هرکلي ترڅنګ ژمنه وکړه او ويې ويل، چې د دغو فرمانونو په عملي کولو کې به هېڅ ځنډ ونه کړي. دوي همدارنګه د اسلامي امارت ترڅنګ درېدل خپل مسؤليت ياد کړ.
