د لوګر ولایت د سرحدونو قومونو او قبایلو چارو رئیس له کوچي سرخېلانو سره وکتل!
۱۴۴۴/۲/۲۱
د لوګر د سرحدونو ، قومونو او قبایلو چارو په ریاست کې یوه جرګه دایره شوه، چې په دغه جرګه کې د لوګر د سرحدونو، قومونو او قبایلو چارو رئیس مولوي محمد عالم رهبر او په لوګر کې د کوچیانو د بېلابېلو خېلو سرخیلانو برخه اخیستې وه.
په پيل کې د لوګر د سرحدونو، قومونو او قبایلو چارو رئیس مولوي محمد عالم رهبر کوچي سرخېلانو ته د ښه راغلاست تر څنګ وویل چې د کابل په بادام باغ کې د تېر په څېر یو ځل بیا د زراعتي او حیواني محصلاتو نندارتون جوړیږي تاسو کوچیان کولای شئ چې د خپلو څارویو بېلابېل محصلات نندارې ته وړاندې کړئ
ورپسې د کوچي قشر سرخېلانو هر یوه په خپل وار خبرې وکړې او ژمنه یې وکړه چې خپل مالداري محصولات به په یاد نندارتون کې نندارې ته وړاندې کوي.
په پای کې یاده قومي جرګه په دعایه کلام پای ته ورسیده.
