د لغمان ولايت په مرکز کې د اسلامي نظام د ثبات، ولسونو د يووالي او انسجام غونډه وشوه
يکشنبه ۱۴۴۶/۵/۱
د سرحدونو، قومونو او قبايلو چارو وزارت لخوا په لغمان ولايت کې يوه لويه ولسي غونډه داسي مهال ترسره شوه، چې پکې د ياد وزارت د جرګو او قبايلي چارو د همغږۍ معين الحاج مولوي محمد علي جان احمد، د جرګو اوقبايلي چارو د همغږۍ رئيس شيخ نيک محمد افغاني، د اطلاعاتو اوعامه اړيکو رئيس مفتي تسليم الله حقاني، د لغمان والي شيخ شيراحمد حقاني او اړوندو پرتو ولسواليو مشرانو، ځوانانو او ولسي خلکو ګډون درلود.
غونډې ته قومي سپين ږيرو په خپلو خبرو کې د اسلامي امارت د کلک ملاتړ ترڅنګ د دې نظام د حاکميت لپاره خپلې قربانۍ يادې کړې دوی وويل: لغمان تل د اشغالگرو پر وړاندي د جهاد سنګر پاتی شوی او د حاکم نظام په بريا کې يې ډيرې لويې قربانۍ ورکړي دي. قومي مشرانو زياته کړه: اوس د دې وخت دي چې مسؤلين زموږ ولس ته مينه ورکړی، خدمت يې وکړي، ژوند يې هوسا کړي او ځوانانو ته د کار زمينه برابره کړي تر څو له مهاجرت څخه لاس په سر شي او د خپلې خاورې په خدمت کې خپله انرژي او پوهه وکاروي.
ورپسي د جرګو او قبايلي چارو د همغږۍ معين الحاج مولوي محمد علي جان احمد د شته نظام په حاکميت کې د ولسونو ميړانه او قربانۍ وستايلې او دا يې د هغه شهيدانو برکت ياد کړ، چې په وينا يې ځانونه يې سرو سکروټو ته اچولي وو او وطن يې ازاد کړ. ښاغلي احمد وويل: له افغان خاورې د ډيموکراسۍ او غيري اسلامي فعاليتونو ټغر ټول شوی دی. سپيڅلي نظام پرې خپل وزرونه غوړولې او ټول رعيت يې ترحاکميت لاندي د آرامي ساه اخيستي ده نوموړي زياته کړه اوس زمونږ او تاسو دا وجيبه ده چې له دې نظام څخه ساتنه خپل ګډ مسؤليت وبلو او د بقا لپاره يې شريک کار وکړو.
د غه راز د جرګو اوقبايلي چارو د همغږۍ رئيس شيخ نيک محمد افغاني او د اطلاعاتو او عامه اړيکو رئيس مفتي تسليم الله حقاني په خپلو خبرو کې وويل: کفارو موږ سره په مخامخ جنګ کې شرمونکي ماته وخوړه چې فکری جنګ يې لا هم دوام لري اوغواړي خپل غچ له دې لارې واخلي خو پدې دې پوى شي، چې ا.ا يو فرد ندی بلکې ولسونه د دې جګړې لپاره هم اماده دي. دوی زياته کړه: د حاکم نظام ساتنې، يووالي او اتفاق ته اړتياده له ولسونو موغوښتنه ده، چې د نظام او هيواد په ساتنه کې د اسلامي امارت کلک ملاتړې واوسئ او د هيڅ چا په تبليغانو ونه غوليږي.
