په سرپل ولایت کې د همغږۍ غونډه ترسره شوه
۲۷/۲/۱۴۴۵
د سرحدونو، قومونو او قبایلو چارو وزارت د جرګو او قبایلي چارو د هغمږۍ معین الحاج ملا عبدالخالق عابد د یوه پلاوي په مشرۍ په سرپل ولایت کې له قومي مشرانو، علماء کرامو او ځوانانو سره د همغږۍ غونډه جوړه کړه.
په دې غونډه کې دینې عالمانو او قومي مشرانو د قومونو تر منځ پر یووالي خبرې وکړې او زیاته یې کړه چې اوس پښتون، تاجک، هزاره ترکمن او نور قومونه د وروڼو په څېر ژوند کوي او د تفرقې مخه نیول شوې ده. دوی امنیت د الله تعالی (ج) یو لوی نعمت وباله.
د وزارت د جرګو او قبایلي چارو رئیس شیخ حضرت ولي حقاني وویل: امریکایان د امکاناتو او ځواک په لحاظ له موږ سره هیڅ د پرتلې وړ نه وو، خو موږ د ایمان او عقېدې په قوت سره مات کړل.
د جرګو او قبایلي چارو د همغږۍ معین ښاغلي عابد وویل: اشغالګرو د بشر د حقوقو په نامه دلته د بشریت ټول حقوق تر پښو لاندې کړل، د مخدره موادو کښت، تجارت او قاچاق یې اوج ته ورسول او تر ۴ میلیونه وګړي یې په نشو روږدي راپرېښودل. هغه زیاته کړه: د هیواد په مختلفو برخو کې د بیارغوونې کارونه جریان لري چې د قشقرې د نفتو استخراج یې یوه بیلګه ده.
