له قومي مشرانو، مخورو او ځوانانو سره ناسته!
د سرحدونواو قبایلو چارو سرپرست او نوماند وزیر ښاغلي محب الله صمیم نن له غرمې مخکې د غزني او پکتیکا ولایتونو له یو شمېر قومي مشرانو، مخورو او ځوانانو سره د خپل کار په دفتر کې وکتل.
په دې کتنه کې راغلو مشرانو او ځوانانو د خپلو سیمه ییزو ستونزو شریکولو ترڅنګ د قومونو په یووالي او د سولې د ټینګښت په برخه کې د قومي مشرانو او ځوانانو د ونډې په اړه بحث او خبرې وکړې او له وزارت سره یې د خپلو همکاریو ډاډ ورکړ.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم د نوموړو ستونزې پر ځای وبللې وې ویل: هڅه کوم، چې د قومي مشرانو او ځوانانو په سلامشورو سره خپلې چارې پرمخ بوځم او د دوې له تجربو څخه پر ځای ګټه واخلم، ترڅو د هېواد او خلکو لپاره د ښه خدمت جوګه شم.
