فاریاب کې د ۲۰ کلنې بدي حل
شنبه ۲۶ جمادی الأولی ۱۴۴۸
د فاریاب ولایت د سرحدونو، قومونو او قبایلو چارو ریاست د رئیس مولوي نیکمحمد حنفي په مشرۍ د ديني عالمانو او قومي مشرانو د منځګړیتوب په پایله کې د ياد ولايت د پښتونکوټ او المار ولسوالیو اوسېدونکو څو کورنيو ترمنځ د څړځایونو پر سر رامنځته شوې شل کلنه بدي حل او فصل شوه.
یاده شخړه، چې نږدې دوه لسیزې یې دوام درلود او په ترڅ کې یې د دواړو لوريو څخه څو تنه وژل شوي وو او سخت مالي زيانونه ورته رسېدلي وو د منځګړو مشرانو له لوري د څو ناستو وروسته په سوله او ورور ولي بدله شوه.
د دغې اوږدمهاله بدي ښکېلو خواوو د ا.ا د مسؤلينو او په خاصه توګه د سرحدونو، قومونو او قبايلو چارو رياست د استازو هڅې وستايلې او د مننې ترڅنګ يې ژمنه وکړه، چې په راتلونکي کې به ورته بديو او تربګنيو ته زړه ښه نه کړي.
