د ولسي جرګې له غړو، لوړ پوړو دولتي چارواکو، قومي مشرانو، ټولنیزو فعالانو او ځوانانو سره کتنه!
د سرحدونو او قبایلوچارو سرپرست او نوماند وزیر ښاغلي محب الله صمیم نن له غرمې وروسته د ولسي جرګې له یوشمېر غړو او ګڼ شمېر قومي مشرانو، دولتي چارواکو، ټولنیزو فعالانو او ځوانانو سره د خپل کار په دفتر کې وکتل.
په دې کتنه کې راغلو مشرانو او مېملنو د سرحدونو او قبایلو چارو د سرپرست او نوماند وزیر په توګه د ښاغلي محب الله صمیم د ټاکل کېدو له امله مبارکي وویله او په بېلابېلو برخو کې له وزارت سره د همکارۍ ډاډ ورکړ.
ورپسې ښاغلي صمیم د دغو درنو مشرانو او معززو مېلمنو له راتګ څخه د مننې په ترڅ کې، وزارت په هېواد کې د مېشتو ټولو قومونو او قبایلو ګډ کور وباله زیاته یې کړه: موږ ټول باید د موجوده نظام د ستنو د پیاوړتیا لپاره ګډ کار وکړو او د ملي یووالي په ټینګښت کې خپلو هلو ځلو ته دوام ورکړو.
