د وزارت په اړوند لېسو او بایزید روښان انسټیټوټ کې د اصلاحاتو د لړۍ پر دوام ټینګار!
د سرحدونو او قبایلو چارو وزارت مسلکي مرستیال ښاغلي ډاکتر فریدون بارکزي په داسې حال کې، چې د رحمان بابا علي لېسې او بایزید روښان انسټیټوټ امرینو یې ملتیا کوله نن شنبې د ۱۳۹۸ لمریز کال د لړم میاشتې په ۱۱ مه نېټه د وزارت اړوند رحمان بابا د علي لېسې او بایزید روښان انسټيټوټ وضعیت له نږدې وڅېړلو.
ښاغلی بارکزي او ورسره پلاوي له یادې لېسې او انسټیټوټ څخه د کتنې پر مهال له زده کوونکو څخه د تدریسي چارو د څرنګوالي په اړه پوښتنې وکړې. او په دې اړه یې د هغوی غوښتنې واورېدې.
همدا راز یې په پخلنځي کې هم د ورځنۍ تابلو سره سم د خوراکي توکیو د شتون، د خوړو د کیفیت ، پاکوالي او نظافت څخه کتنه او د اړتیاوو د پوره کولو په اړه یې مسولینو ته سپارښتنه وکړه.
دغه راز ښاغلي ډاکټر فردون بارکزي د وضعیت د ښه څېړلو په موخه ټینګار وکړ، چې باید د زده کوونکو وړاندیزونو او نظرونو ته هم لومړیتوب ورکړل شي، تر څو د اصلاحاتو لړۍ په سمه توګه پرمخ لاړه شي.
ورپسې زده کوونکو هم د وزارت په اړوند لېسو کې د اصلاحاتو لړۍ د پلي کولو په برخه کې د وزارت د مشرتابه هڅې د ستاینې وړ وبللې او د روانو چارو له بهیر څخه خوښي څرګنده کړه.
