د وزارت مسلکي مرستیال او سرپرست کړنې وستایل شوې!
د سرحدونو او قبایلو چارو وزارت د مسلکي مرستیال او سرپرست ښاغلي ډاکټر فریدون بارکزي کړنې او لاسته راوړنې، چې د دوست هېواد هند څخه یې د وزارت د پروژو د ترلاسه کولو په برخه کې ترسره کړې وې نن یکشنبې د ۱۳۹۸ لمریز کال د مرغومې میاشتې پر ۸ مه نېټه د اقتصاد وزارت د سلاکارانو ښاغلو خان آغا صافي او جمشید افغان یار له خوا د یوې کتنې په ترڅ کې د انځور په ورکول سره وستایلې.
په دې کتنه کې، چې د ولایتونو سره د اړیکو ریاست سرپرست ښاغلی حمیدالله خېبر هم حاضر و، یادو سلاکارانو د وزارت د مسلکي مرستیال ښاغلي بارکزي څخه مننه وکړه، چې د دوی سره یې د پروژو د عملي کولو په برخه کې هر اړخیزه همکاري کړې ده.
ورپسې د وزارت مسلکي مرستیال ښاغلي ډاکټر فریدون بارکزي په خپلو خبرو کې د اقتصاد وزارت له سلاکارنو څخه د مننې په ترڅ کې د دوی د هڅو او هلو ځلو ستاینه وکړه او د دوی سره یې د خپلو تلپاتو همکاریو ډاډ ورکړ.
د یو بل خبر له مخې، د خوګیاڼیو ځوانانو د سرتاسري شورا او د دولت وزیر په استازولۍ ښاغلي میرویس وزیري یو ټوک کتاب، چې د (وسلوال پوځ )تر عنوان لاندې وه د وزارت مسلکي مرستیال ښاغلي بارکزي ته ډالۍ شو.
