د پکتیکا ولایت د برملې ولسوالۍ د قومي مشرانو او مخورو ستونزې واورېدل شوې!
د سرحدونو او قبایلو چارو وزارت مسلکي مرستیال او سرپرست ښاغلي ډاکټر فریدون بارکزي نن یکشنبې د ۱۳۹۸ لمریز کال د مرغومې میاشتې پر ۸ مه نېټه د پکتیکا ولایت د برمل ولسوالۍ له یو شمېر قومي مشرانو او مخورو سره د خپل کار په دفتر کې وکتل.
په دې کتنه کې راغلو قومي مشرانو او مخورو خپلې یو لړسیمه ییزې ستونزې، چې په برمل ولسوالې کې د امنیت د ټینګښت او د زده کړو څخه د ځوانانو د لرې والي په برخه کې شتون لري د وزارت له مسلکي مرستیال ښاغلي بارکزي سره د حل په موخه شریکې کړې.
همدا راز نوموړو د موجوده نظام څخه د ملاتړ څرګندولو ترڅنګ د وزارت سره د خپلو تلپاتو همکاریو ډاډ ورکړ.
ورپسې د سرحدون او قبایلو چارو وزارت مسلکي مرستیال او سرپرست ښاغلي ډاکټر فریدون بارکزي په خپلو خبرو کې د یادو قومي مشرانو ستونزې پر ځای وبللې وې ویل: ستاسو درنو مشرانو ستونزو ته رسیدنه او پر حل لارو یې کار کولو زموږ مسؤلیت دی، چې انشا الله ډېر زر به ستاسو ستونزې د حکومت له مشرانو سره شریکې کړو او هغو ځوانانو ته، چې د زده کړې څخه لرې پاتې دي او ستاسو له خوا د زده کړو ترسره کولو په موخه را پیژندل کیږي لومړيتوب ورکړو، تر څو یې د وزارت په اړوند لېسو کې شامل او خپل مسؤلیت ترسره کړو.
