د ننګرهار کې د ځمکې د وېش پر سر راپورته شوې شخړه هواره شوه
دوشنبه ۲۶ صفر المظفر ۱۴۴۸
د ننګرهار ولايت د سرحدونو، قومونو او قبايلوچارو رياست په مشري د ديني عالمانو او قومي سپين ږيرو په دوامداره همکاري د دغه ولايت په حصارک ولسوالي کې د ځمکې د وېش له امله د يوې کورنۍ د څو غړو ترمنځ راپورته شوې شخړه حل او فصل شوه.
د دغې روغې جوړې پرمهال علماوو اومسؤلينو ښکېلو خواوو ته لومړی د سولې، غفوې او يوبل منلو په تړاو هراړخيزې خبرې وکړې اوبيا يې له هغوی وغوښتل چې، د دښمنۍ او نفاق پرځاي ګډ او سولييز ژوند ته مخه کړي، چې په همدي موخه يې ترمنځ د خير فيصله وشوه او يوبل ته ورغاړې وېستل شول.
د يادې کورنۍ مشرانو د جرګه کوونکو او اسلامي امارت د مسؤلينو هڅې وستايلې او ژمنه يې وکړه، چې د دوی له لوري د شوې فيصلې له مخې به يو بل ته هيڅ خنډونه، نه جوړوي بلکې د ورورولي ژوند به سره کوي
