ننګرهار کې دوه جلاجلا شخړې حل شوې
چهار شنبه ۷ جمادي الاولی ۱۴۴۷
د دغه ولايت د سرحدونو، قومونو او قبايلو چارو رياست مسؤلينو د قومي مشرانو او ديني عالمانو په همکاري د ياد ولايت په بهسود ولسوالي کې د دوو کورنيو ترمنځ راپورته شوې کورنۍ شخړه د خبرو اترو له لاري حل کړه او او ښکېل لوري يې سره پخلاکړل.
په ياده رامنځته شوې شخړه کې له يوه لوري څلور تنه ټپيان شوي وو او د يولړ مالي تاوانونو ترڅنګ يې ترمنځ ژوره تربګني هم موجوده وه، چې مسؤلينو په خپل منځګړيتوب د يوې شرغي فيصلې په کولو سره له دښمني راوګرځول او د خوښي ژوند يې پيل کړ.
په همدې حال کې د ياد ولايت په دره نور ولسوالي کې هم د کورنيو جنجالونو له امله راپورته شوې شخړه د يادو مسؤلينو له لوري هواره شوه او طرفينو د سولې لاسونه سره ورکړل. په دي پېښه کې يو تن ټپي شوی هم و.
