په کنړ ولايت کې ٢٣ کنه شخړه په سوله بدله شوه
د کنړ ولايت په وټپور ولسوالۍ کې د دوو کورنيو ترمنځ پېښه شوې ٢٣ کلنه شخړه د ياد ولايت د سرحدونو، قومونو او قبايلو چارو د رئيس ملا تحميدالله غازي عمر او د ځايي قومي مشرانو په همکارۍ حل او په دوستۍ بدله شوه.
د يادي شخړې د حل په پار د کنړ ولايت د سرحدونو، قومونو او قبايلو چارو رئيس ښاغلى غازي عمر او ځايي قومي مشرانو تر پوره تحقيق او سپيناوي وروسته په ښه دقت او غور سره عادلانه پریکړه وکړه، دواړو کورنيو ته یې قناعت ورکړ او د دوی تر منځ يې رامنځته شوې ستونزه پاي ته ورسوله.
په پاي کې د دواړه کورنيو غړو د تېر په څېر د ورورګلوۍ په فضا کې د خپل عادي ژوند د تېرولو ژمنه وکړه او له يو بل سره غاړه غړۍ شول.
