د وزارت له علمي بورډ سره ناسته وشوه
۱۴/۱۱/۱۴۴۵
د سرحدونو، قومونو او قبایلو چارو وزارت مسلکي معین مولوي احمد طه قادري د یوه پلاوي په مشرۍ د وزارت له لوري د خپرېدونکو اثارو (تحقیقي پروژو ،کتابونو او مجلو) د بیا کتنې او ارزونې له علمي بورډ سره ناسته وکړه.
په دغه ناسته کې د سرحدي پلټنو رئیس مولوي غلام صدیق سباوون، د څېړنو او مطالعاتو رئیس مولوي هدایت الله حقاني، د وزارت مقام د سرحدي چارو سلاکار شفیع الله محمدي، د نشراتو آمر شریف الله شرافت او د وزارت د څېړونکو بورډ ځینو غړو هم ګډون کړی وو.
د جلسې په اوږدو کې ټولو ګډونوالو د علمي بورډ د کارونو په څرنګوالي خبرې وکړې او د وزارت د څېړونکو له لوري د ولایتي پروفایلونو په اړه د راټولو شویو پروژو د بیاکتنې، ارزونې او اصلاح لپاره یې لازمې سپارښتنې وکړې.
د غونډې په وروستیو کې مسلکي معین ښاغلي قادري هم د وزارت له لوري د هر ډول خپرېدونکو آثارو کتنه یوه اړینه موضوع یاده کړه او د چاپېدونکو نسخو د کیفیت او صحافت په ښه والي یې ټينګار وکړ.
