کندوز کې به د ابراهيم خېلو کوچيانو ترمنځ شته ستونزه ژر حل شي
د دوشنبې په ورځ د کندوز د سرحدونو او قبایلو رئيس احسان ثاقب او د کوچيانو د سمون چارو امر خایداد اڅکزي په همغږی د کندوز ولایت د خان اباد ولسوالي د ابراهیم خېلو کوچیانو ترمنځ د شورا په سر د رامنځته شوې شخړې د حل په موخه غونډه جوړه شوه.
په دې غونډه کې د کندوز د سرحدونو او قبایلو رئیس او د کوچیانو د سمون چارو امر د دې ستونزې پر حل خبرې وکړې او د دې شخړې د حل لپاره یې لازمې لارښوونې وکړې.
ښاغلي ثاقب او ښاغلي اڅکزي ډاډ ورکړ چې دا ستونزه به په نږدې راتلوونکي کې حل شي.
غونډې ته د کندوز ولایت د شورا رئیس حاجي وکیل هستي خان کوچیانو ته د دغه ولایت د سرحدونو او قبایلو رئیس د پاملرنې مننه وکړه او له ښاغلي ثاقب څخه یې وغوښتل چې په راتلونکې کې هم دې قشر ته پاملرنه وکړي.
