د قومي شوراګانو د انسجام په موخه ګډه غونډه!
یاده غونډه د سرحدونو او قبایلو چارو وزارت د جرګو او قبایلي چارو د همغږۍ معین ښاغلي محمد یعقوب احمدزي په مشرۍ نن دوشنبه د۱۴۰۰لمریز کال د مرغومي پر۳۱نېټه جوړه شوه.
په دې غونډه کې د وزارت د یو شمېر رئیسانو سربېره د کلیو بیا رغوني او پراختیا، ارشاد، حج او اوقافو، ښځو چارو، د سولې په چارو کې د دولت وزارتونو او د سیمه ییزو ارګانونو آدارې استازو ګډون کړی و.
د غونډې برخه والو د قومي شوراګانو لپاره د یوې واحدې طرحې د شتون، د قومي شوراګانو د ارزښت او جوړېدو، تریوه واحد چترلاندې د دیني عالمانو او قومي شوراګانو د راټولېدو، ترمنځ یې د انسجام له لارې د ستونزو د حل، له جرګو او شوراګانو څخه د مثبتو پایلو د ترلاسه کولو په څرنګوالي، له نظام څخه د قومي جرګو او شوراګانو د ملاتړ په اړه بحث او خبرې وکړې، چې د وزارتونو استازو په خپله برخه کې د همکارۍ ډاډ ورکړ او په دې برخه کې یې په ګډو هڅو او همغږۍ ټینګار وکړ.
