د ګجرو مرکزي شورا له رئيس او غړو سره کتنه!
د سرحدونو او قبایلو چارو وزیر ښاغلي محب الله صمیم نن غرمه د ګجرو مرکزي شورا له رئیس ښاغلي محمد اسلم ګجروال او غړو سره د خپل کار په دفتر کې وکتل.
په دې کتنه کې د یادې شورا مشر او غړو خپلې یو لړ سیمه ییزې ستونزې د وزارت له مشرتابه سره د حل په موخه شریکې او په بېلابېلو برخو کې یې د ښاغلي محب الله صمیم هڅې وستایلې دغه راز یې د موجوده نظام او ملي امنیتي – دفاعي ځواکونو څخه بشپړ ملاتړ څرګند او له وزارت سره یې د هر راز همکاریو ډاډ ورکړ.
ورپسې د سرحدونو او قبایلو چارو وزیر ښاغلي محب الله صمیم د یادو مشرانو ستونزې پر خای وبللې او په ټولنیزو برخو کې یې د دوی فعالیتونه له ارزښته ډک یاد کړل دغه راز یې د سولې او ملي یووالي په ټینګښت کې د قومي مشرانو، دیني عالمانو، مخورو او ځوانانو سره په ګډو هلو ځلو ټینګار وکړ.
