ګڼ شمېر قومي مشرانو، مخورو، ځوانانو، علمي او فرهنګي شخصیتونو، ټولنیزو فعالانو نن پنجشنبې د روان لمریز کال د تلې میاشتې په ۳ مه نېټه د سرحدونو او قبایلو چارو وزارت ته تشریف راوړ او د وزارت سرپرست او نوماند وزیر ښاغلي محب الله صمیم ته یې د مبارکۍ ویلو ترڅنګ
ګڼ شمېر قومي مشرانو، مخورو، ځوانانو، علمي او فرهنګي شخصیتونو، ټولنیزو فعالانو نن پنجشنبې د روان لمریز کال د تلې میاشتې په ۳ مه نېټه د سرحدونو او قبایلو چارو وزارت ته تشریف راوړ او د وزارت سرپرست او نوماند وزیر ښاغلي محب الله صمیم ته یې د مبارکۍ ویلو ترڅنګ خپلې یو لړ سیمه ییزې ستونزې د حل په موخ شریکې او د هر ډول همکاریو ډاډ ورکړ.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم د یادو مشرانو ستونزې پر ځای وبللې او په ګډو هلو ځلو یې ټینګار وکړ وې ویل: د تلپاتې سولې د ټینګښت لپاره ملي یووالي ته اړتیا ده، چې ټول قومونه سره یو ځای د خپل هېواد او ولس لپاره سره کار وکړي همدا راز ستاسو له همکارۍ او سلامشورو پرته موږ د تلپاتې سولې څښتنان نه شو کېدای هڅه به وکړم، چې ستاسو درنو مشرانو سلامشورې له ځان سره ولرم او د دې هېواد خدمت ته ملا وتړم، ترڅو زموږ ځوانان د یوې ښې راتلونکي څخه برخمن شي.
