د هېواد د خپلواکۍ بېرته ګټلو د ۱۰۱مې کلیزې په مناسبت د وزارت افسران په فوق العاده رتبو وویاړل شول!
په همدې مناسبت د یوې غونډې په ترڅ کې، چې د سرحدونو او قبایلو چارو وزارت د مرسیتالانو ښاغلي ډاکټر محمد آصف قاضي زاده، ښاغلي ډاکټر فریدون بارکزي، ښاغلي شجاع الملک جلاله د مقام د دفتر رئيس ښاغلي نور آقا ناصري او د بشري زېرمو رئيس ښاغلي محمد یاسین پکتین په ګډون نن دوشنبې د ۱۳۹۹ لمریز کال د وږي میاشتې پر ۲۴ مه نېټه جوړه شوې وه، د وزارت اړوند دوو افسرانو جګړن محمد اسماعیل ته د ډګرمنۍ او څارمن عبدالستار ته د سمونیارفوق العاده رتبې د هېواد د خپلواکۍ په مناسبت ورکړل شوې.
دغه فوق العادې رتبې د سرحدونو او قیایلو چارو وزارت د سرحدي څېړنو معینیت له خوا یې وړاندیز شوی و د وزارت د مقام له خوا منظورې او د سرحدي څېړنو د مرستیال ښاغلي ډاکټر محمد آصف قاضي زاده له خوا د دوی په اوږو ولږول شوې.
همدا راز اړوند مسؤلینو د دوی د کارکړنو او فعالیتونو ستاینه وکړه او دوی یې د دې فوق العاده رتبو وړ افسران وبلل او په چارو کې یې ورته د بریالیتوب هیله وکړه.
