د پښتونخوا د ملي عوامي ګوند له مشر سره کتنه!
د سرحدونو او قبايلو چارو وزير ښاغلي محمد شفيق ګل آغا شېرزي نن په داسې حال کې، چې د وزارت مسلکي مرستيال ښاغلى ډاکټر فريدون بارکزى هم حاضر و، د پښتونخوا د ملي عوامي ګوند له مشر ښاغلي محمود خان اڅکزي او ورسره راغلو مېلمنو سره وکتل.
په دې کتنه دواړو لورو په سيمه او افغانستان کې د سولې په ټینګښت او روانو حالاتو سربیره د یو لړ نورو اړوندو مسایلو په اړه خبرې او تبادل نظر وکړل.
همدا راز د سرحدونو او قبايلو چارو وزير ښاغلي شېرزي دوې ته بلنه ورکړه، تر څو په هغې مېلمستيا کې کډون وکړي، چې د ښاغلی وزیر صاحب له خوا دوې ته په پام کې نېول شوې ده.
