ولسي ستونزو ته د حل لارو موندلو او ښې همغږۍ په اړه د مسؤلینو هڅې!
یکشنبه - ۲۳/۱۲/۱۴۴۵
د بلخ ولایت په مرکز مزار شریف کې له قومي سپین ږیرو او سیمه ییزو مشرانو سره د ولسي ستونزو د هواري او له حکومت سره د لا ښې همغږۍ په پار ناسته کې قومي مشرانو د اسلامي امارت لاسته راوړنې ستایلې او د ناخوالو مخنیوي په برخه کې یې د حکومت ننګه کړې.
له ولس سره د ښې همغږۍ په دغه ناسته کې د بلخ ولایت د سرحدونو، قومونو او قبایلو چارو رئیس مولوي سردار محمد محمدي د یاد ولایت د اوومې ناحیې او شاوخوا سیمو قومي سپین ږیرو ته په خپلو خبرو کې یاد ریاست د نظام او ملت تر منځ ارتباطي پُل بللی او سیمه ییزو مشرانو ته یې د ستونزو د حل ډاډ ورکړی.
په دغه ناسته کې قومي مشرانو د اسلامي امارت راتګ د دوی لپاره د الله تعالی ﷻ یوه لویه پیرزوینه بللې چې په راتګ سره یې د اسلامي مقدساتو خلاف کړنو مخنیوی شوی او په ټول ملت د یووالي څادر خپور شوی دی. سیمه ییزو مشرانو خپلې ستونزې په جلسه کې د حل په موخه شریکې کړې.
