له ځلاند افغان مؤسیسې سره هوکړه
۶/۱۱/۱۴۴۵
د سرحدونو، قومونو او قبایلو چارو وزارت د جرګو او قبایلو چارو معین مولوي محمد علي جان احمد له ځلاند افغان مؤسیسې (ZAO) سره د دوه اړخیزه همکاریو هوکړه وکړه. د دغې هوکړې پر اساس به یاده مؤسیسه د وزارت په ټولو ښوونیزو مرکزونو کې د معلوماتي سیستمونه رغوي او د ظرفیت لوړونې پروګرامونه به په لاره اچوي.
د هوکړې د لاسلیک په وخت کې د وزارت د دفتر رئیس مولوي نیاز محمد تقي، د ښوونې او روزنې رئیس مولوي عبدالرحمن رحماني، د پلان او پالیسۍ رئیس مولوي نېک محمد افغاني، د کوچیانو د څړځایونو او اقتصادي چارو رئیس مفتي لعل محمد منیب، د مؤسیسې رئیس انعام الحق احساس او مل پلاوي حضور درلود.
د جرګو او قبایلو چارو مرستیال د هوکړې پرمهال د هیواد خدمت خپل مسؤلیت یاد کړ او وې ویل: دا کړېدلی ولس زیات خدمت ته اړتیا لري، نو موږ ته په کار ده چې د خپل وس په اندازه په هره برخه کې مؤثرې چوپړتیاوې وړاندې کړو. هغه د ځلاند افغان مؤسیسې ته ډاډ ورکړ چې په ټولو چارو کې ورسره پوره همکار دی.
د مؤسیسې مسؤلینو په خپل وار سره اطمینان وړاندې کړ چې د خپلو هیوادوالو د خدمت لپاره له هیڅ ډول ستړیا دریغ نه کوي او خپلې ورسپارل شوې دندې به پوره په ژمنتیا مخ ته وړي.
