سرحدونو، قومونو او قبایلو چارو سرپرست وزیر د بېلابېلو کوچیانو قومونو له مشرانو او مخورو سره ناسته وکړه
۵پنجشنبه ذوالقعده الحرام ۱۴۴۴
د سرحدونو، قومونو او قبایلو چارو وزارت سرپرست الحاج ملا نورالله نوري نن د دغه وزارت د کنفرانسونو په تالار کې د بېلابېلو کوچیانو قومونو له یو شمېر مشرانو او مخورو سره وکتل. په دې کتنه کې د نورو په استازيتوب يو شمېر قومي مخورو د خلکو د ستونزو د هواري، د قومونو د يووالي او پيوستون په برخه کې د وزارت د رهبرۍ له هلوځلو څخه قدرداني وکړه او د څړځايونو په برخه کې يې يو لړ شته ستونزې شريکې کړې.
د سرحدونو، قومونو او قبایلو چارو له سرپرست وزیر سره د کرنیزو ځمکو او د دوئ د ستونزو د حل غوښتنه وکړه. له بلې خوا الحاج ملا نورالله نوري د سرحدونو، قومونو او قبایلو چارو وزارت په مقر کې د کوچیانو د قومونو د مشرانو له حضور څخه مننه او قدرداني وکړه او ویې ویل: اسلامي امارت په ټولو پورې اړه لري. په اسلامي نظام کې د هېواد د ټولو قومونو حقونه خوندي دي. محترم نوري زیاته کړه چې د اسلامي امارت مسؤلین دا خپله دنده او مسئولیت ګڼي چې ستاسو او د دې هیواد د نورو اوسیدونکو ستونزو او اړتیاوو ته پاملرنه وکړي. محترم نوري زیاته کړه چې د اسلامي امارت مسؤلین دا خپله دنده او مسئولیت ګڼي چې ستاسو او د دې هیواد د نورو اوسیدونکو ستونزو او اړتیاوو ته پاملرنه وکړي. ناسته د افغانستان د ټولو قومونو د یووالي او همغږۍ کولو سره په دوعا پای ته ورسیده.
