د پروان ولایت د سرحدونو، قومونو او قبایلو چارو ریاست له کارکوونکو سره کتنه
شنبه، ٨ شوال المکرم ١٤٤٤
د سرحدونو، قومونو او قبایلو چارو سرپرست وزیر ښاغلي ملا نورالله نوري پروان ولایت ته د خپل سفر په ترڅ کې د دغه ولایت د سرحدونو، قومونو او قبایلو چارو ریاست له رئيس مولوي محمود شاه ذاکري او کارکوونکو سره وکتل . ښاغلي نوري په خپلو خبرو کې ټینګار وکړ چې خپلې دندې د اسلامي اصولو په رڼا کې ترسره او خپل ولس ته د خپلو وظیفوي مسؤلیتونو اومکلفیتونو مطابق پر وخت او پرته له ځنډه د خدمت جوګه شي نوموړي زیاته کړه چې موږ هر یو باید ځانونه د ولس خادمان وبولو او په ډېر ویاړ د خپل ولس د هوساینې لپاره هڅې وکړو. ښاغلي نوري د دوئ له کارونو او ترسره کړیو فعاليتونو مننه وکړه غوښتنه یې دا وه چې کارکوونکي باید پر وخت دندو ته حاضر او په ډېرې لېوالتیا د خلکو په چوپړ کې اوسي. په پاي کې د ياد ریاست کارکوونکو ښاغلي سرپرست وزیر ته په صداقت سره د دندو د ترسره کولو داډ ورکړ.
