د آمو سيند په اوږدو کې له سرحدي نقاطو څخه بررسي.
۱۷/جمادي الثاني/۱۴۴۴ هـ ق
د سرحدونو قومونو او قبایلو چارو وزارت د سرحدي پلټنو معين الحاج مولوي محمد اسماعيل غزنوي چې د زراعت وزارت د سرپرست په مشري د ټاکل شوي لوړ رتبه هيئت غړيتوب يې درلود د هيواد شمال ته د کاري سفر پر مهال د تخار، کندز، بلخ او جوزجان له سرحدي ولسواليو، آمو سيند تخريباتو او له سرحدي صفري نقاطو څخه کتنه ترسره کړه.
ياد لوړ پوړی پلاوی چې د آمو سيند د تخريباتو د مخنيوي او تحکيماتو د جوړولو د تخمينې مصارفو د ارزولو په موخه سېمې ته ليږل شوی وو د زراعت وزارت په مشري د سرحدونو، قومونو او قبایلو چارو، اوبو او انرژۍ ، کانونو او پټروليم ، بهرنيو چارو، کليو او پراختيا وزارتونو په شمول د احصايې ملي ادارې استازو هم پکې ګډون درلود له پنځه ورځني سفر وروسته کابل ته ستون شو.
د يادونې وړ ده چې د سرحدي ولايتونو خلکو په مکرره توګه د سرحدونو، قومونو او قبایلو چارو وزارت سره د آمو سيند په اوږدو کې د تخريباتو د مخنيوي غوښتنه کړې وه چې بالاخره په لوړه کچه يادې ستونزې ته پاملرنه وشوه او د اسلامي امارت په دې اقدام ځايي ولسي خلک له زړه نه خوښ دي.
