دپکتیکا ولایت له یو شمېر کوچي سرخیلانو سره لیدنه
شنبه، ۷جمادي الثاني ۱۴۴۴
د پکتیکا د سرحدونو، قومونو او قبایلو چارو رئيس حاجي مولوي محمد مؤمن د دغه ولایت له یو شمېر کوچي سرخیلانو سره ولیدل.
په دې لیدنه کې د پکتیکا ولایت کوچي سرخیلانو د سرحدونو، قومونو او قبایلو چارو له رئيس څخه په یاد ولایت د کوچیانو د اقتصادي ودې او دڅارویو د اړتياوپوره کولو او ورته د پاملرنى په برخه کې د دوئ له هڅو او کړنو ستاینه او قدردانی وکړه دغه راز يې وويل چې په بېلابيلو برخو کې دې د کوچيانو اړتياو ته په کتو د دوئ ژوند ته پاملرنه وشي.
ورپسي دپکتیکا ولایت د سرحدونو، قومونو او قبایلو چارو رئيس حاجي مولوي محمد مؤمن د افغانستان د اسلامي نظام له مجاهدینو څخه د کوچي قوم د سرخیلانو له کلک ملاتړه مننه وکړه او دوئ ته یې ډاډ ورکړ چې د یاد ولایت کوچیانو ته پاملرنه زمونږ په لومړیتوبونو کې دی او ددغه قوم د اقتصادي وضعې او د ژوند د اړتياو د پوره کولو په برخه کې به له پخوا لا ډیره پاملرنه وکړي.
ياده دې وي چې د همدغې غونډي له لاري د دوئ په خوښه او د دوئ په رايو د ياد قوم قومي شورا لپاره يو تن سرخيل، مرستيال او منشي وټاکل شول.
