د پروان ولايت له قومي مخورو سره د هماهنګي ناسته تر سره شوه
۱۴۴۴/۵/۱۲هـ ق
د سرحدونو، قومونو او قبایلو چارو وزارت د دفتر رئيس شيخ حضرت ولي حقاني چي د اطلاعاتو اوعامه اړيکو رئيس حمدالله فطرت او د وزارت قومي چارو مشاور امين الله پاميري يې ملتيا کوله د پروان ولايت له رياست څخه کتنه او پر مهال يې ددې ولايت له یو شمېر علماو او قومي مشرانو سره مشورتي ناسته ترسره کړه. د پروان د سرحدونو قومونو او قبایلو چارو رئيس مولوي شاه محمود ذاکري راغلي پلاوي ته ښه راغلاست ووايه او د پروان د وروڼو قومونو تر منځ د ښې همغږي ډاډ يې ورکړ. د وزارت مقام دفتر رئيس شيخ حضرت ولي حقاني راغلو مشرانو ته د وزارت پاليسي بيان کړه او زياته يې کړه ياد وزارت د قومونو واقعي ستونزو ته د حل لټولو، د قومي شخړو حل کولو او ملي وحدت ټينګښت په برخو کې فعاليت کوي، له مشرانو يې وغوښتل چې ددې وزارت له لارې دي خپلې ستونزې او غوښتنې شريکې کړي. مشرانو د راغلي هيئت څخه مننه وکړه چي ددوئ پوښتنه کوي. د کوچي قومونو يو تن مشر د څړځايونو د کمبود او مالدراۍ په برخه کې د يو شمېر نورو ستونزو يادونه وکړه، چي تللي پلاوي ورسره د همکارۍ ډاډ ورکړ.
