د سرحدونو، قومونو او قبایلو چارو وزارت د جرګو، قبایلي چارو د همغږۍ معين او ورسره مل پلاوي د سمنګان ولايت له والي سره وکتل!
د سرحدونو قومونو او قبایلو چارو د جرګو قبایلي چارو د همغږي معین الحاج ملا عبدالخالق عابد، د جرګو رئیس الحاج مولوي اسماعیل غزنوي او ورسره مل پلاوي نن د سمنګان ولایت له والي مولوي عبدالاحد فضلي او د سرحدونو ق.ق چارو آمریت له آمر مولوي سید محمد سعید سره په ولایت مقام کې وکتل.
د سمنګان والي مولوي عبدالاحد فضلي پلاوي ته ښه راغلاست ووایه، او د یاد ولایت په اړه یې پلاوي ته د امنیت او اړوند چارو ډاډ ورکړ، لکه څرنګه چې د سرحدونو قومونو او قبایلو چارو وزارت پلان لري چې په همدې ولایت کې یوه لویه ولسي غونډه جوړه کړي، په یاده لیدنه کې پر همدې موضوع خبرې او مشورې وشوې.
