د دووقومونو ترمنځ رامنځته شوې شخړه هواره شوه
١٤٤٤دصفرالمظفر١٧مه
دفارياب ولایت دولت اباد او قيصار په ولسواليو کې د دوو قومونو ترمنځ د څړ ځايونو پر سره شخړه هواره اوپه دوستۍ بدله شوه. په همدې موخه د فارياب ولايت د سرحدونو، قومونو او قبايلو چارو رئيس مولوي محمد مير صارم په مشرۍ سپین ږیرو، قومي مشرانو او مخورو ګډه غونډه جوړه کړه. يادې غونډې ته د سرحدونو، قومونو او قبایلو چارو رئيس ښاغلي محمد مير صارم په خپلو خبرو کې وویل شخړه د حل لاره نده هېواد مو جګړو سخت ځپلی دی اوس د دې وخت را رسيدلی چې په خپلو کې سره کینو شخړه حل او سوله راولو. د غونډې په پاي کې ياد مشران په دې وتوانېدل چې له خبرو اترو وروسته شخړه حل او ښکېلې غاړې اتحاد او ورور گلوي ته را وبلي همدا راز د دواړو غاړو قومي مشرانو پخپلو خبرو کې د ستونزې دحل له امله د فارياب ولايت د سرحدونو، قومونو او قبايلو چارو رياست له هڅو څخه مننه وکړه او په هېواد کې د قومونو تر منځ په یووالي ټینګار وکړ.
