شخړه هواره اوپه دوستۍ بدله شوه

شنبه١٤٤٤قمري کال صفر المظفر ۷مه

د کندهار ولايت د کوچيانو او ځايې اوسيدونکو ترمنځ د را ولاړې شوې ستونزې د پرېکړې او حل په موخه د سرحدونو، قومونو او قبايلو چارو رياست د جرگو په تالار کې غونډه و شوه. په دې غونډه کي چي پر مهال يې د کندهار ولايت د سرحدونو، قومونو او قبايلو چارو رئيس ملا اغا جان اخند ، سپین ږیرو، قومي مشرانو او مخورو هم شتون درلود له دواړو لوریو څخه منځګړو لنډې خبرې وکړي د کوچيانو او ځايي خلکو ترمنځ د ځمکي پر سر د را ولاړې شوې شخړې د حل او هواري په اړه يې ګټورې خبرې وکړې. ښاغلي ملا اغاجان اخند له دوی سره په خبرو کې د قومونو ترمنځ په یووالي ټینګار وکړ ښکېلې خواوېې يې قوي عزم، وحدت او وروگلوي ته را وبللې وروسته د دواړو قومونو ترمنځ شخړه پای ته ورسېده او د اتحاد او اتفاق دعا وشوه. د دواړو لوریو راغلو مشرانو ژمنه وکړه چې د نوموړې موضوع پر سر به بیا ځلې شخړه نه کوي او دواړو لوريو يو بل وبخښل.