د ولسونو ستونزې اورېدل مو له کاري لومړیتوبونو څخه دي!
دغه خبره د سرحدونو او قبایلو چارو وزیر ښاغلي محب الله صمیم، د میدان وردګو ولایت د سید آباد ولسوالۍ له ولسوال ښاغلي امیر محمد ملکزي سره د کتنې پر مهال وکړه.
په دې کتنه کې لومړی د سید آباد ولسوال ښاغلي ملکزي خپلو خبرو کې یاد ولایت د ولسونو یو لړ سیمه ییزې ستونزې چې په بېلابېلو برخو کې وې د وزارت له مشرتابه سره شریکې کړې او د حل غوښتنه یې وکړه.
دوی دغه راز د قومي جوړښتونو د پیاوړتیا، د هېواد په زیاتره ولایتونو کې د نظام او جمهوریت د ملاتړ په موخه د لویو ولسي غونډو د جوړېدو، د ناامنو سیمو اوسېدونکو ته د زدکړو د زمینې د برابرېدو او نورو برخو کې د وزارت د مشرتابه هڅې او لاسته راوړنې وستایلې.
ورپسې محترم محب الله صمیم خبرې وکړې وې ویل: د ولسونو د ستونزو اورېدل او هوارول مو له کاري لومړیتوبونو څخه دي او په دې برخه کې به په ګډه کار او هڅې کوو.
دغه راز یې دوی ته ډاډ ورکړ، چې ستونزې او وړاندیزونه به مو د حل په موخه له اړوندو ادارو سره شریک کړو.
