د سیمه ییزو ارګانونو خپلواکې ادارې له رئیس سره کتنه!
د سرحدونو او قبایلو چارو وزیر ښاغلي محب الله صمیم نن له غرمې وروسته د سیمه ییزو ارګانونو خپلواکې ادارې له رئيس ښاغلي شمیم خان کټوازي سره د خپل کار په دفتر کې وکتل.
په یاده کتنه کې د دواړو ادارو ترمنځ په سیمه ییزه کچه په چارو کې په همغږۍ او همکارۍ ټینګار وشو.
ښاغلي شمیم وویل: د جرګو په جوړولو کې د وزارت هڅې د قدر وړ دي دا هڅې د خلکو او دولت ترمنځ د واټن په لنډولو کې ډېرې ګټورې او ښې پایلې لري دغه راز یې په دې برخه کې د هر ډول همکاریو ژمنه وکړه.
ورپسې ښاغلي محب الله صمیم خبرې وکړې وې ویل: چې ادارې مو له ولس سره په بېلابېلو اداري واحدونو کې اړیکې لري او له هغوی سره کارکوي همغږي مو کولای شي، چې د ولسونو په انسجام او همدا راز د غوره خدمتونو د وړاندې کولو د پرمختګ لامل شي.
