په ولسي جرګه کې د بادغیس ولایت د خلکو له استازي او یو شمېر مخورو سره ناسته!
د سرحدونو او قبایلو چارو سرپرست او نوماند وزیر ښالي محب الله صمیم نن له غرمې وروسته د خپل کار په دفتر کې په ولسي جرګه کې د بادغیس ولایت د خلکو له استازي ښاغلي امیرشاه خان نایب زاده او یو شمېر مخورو سره وکتل.
په دې کتنه کې د هېواد په روانو حالاتو، د نظام د پایښت، سولې او ملي یووالي د ټینګښت، قومونو د انسجام، له ولسونو سره د اړیکو د پراختیا، د سولې په ټينګښت کې د قومي مشرانو د ونډې، ګډو هلو ځلو او یو لړ نورو ملي موضوعاتو په اړه بحث او خبرې وشوې.
همدا راز راغلو مشرانو خپلې یو لړ ستونزې شریکې کړې، چې د ښاغلي محب الله صمیم له خوا ورته د هوارولو ډاډ ورکړشو.
