کندهار کې مسؤلينو دوه کورنۍ سره پخلا کړې
پنجشنبه ۲۷ جمادی الآخرة ۱۴۴۷
د دغه ولایت د سرحدونو، قومونو او قبایلو چارو ریاست مسؤلينو د قومي مشرانو او مصلحينو په ملتيا تخته پل ولسوالي کې د دوو کورنيو ترمنځ د څه کم دوه کلونو په دوام هغه رامنځته شوې شخړه حل کړه، چې دواړو خواوو ته يې ګڼ خپل منځي اختلافات را پارولي وو.
دغه شخړه، چې د ځينو ځمکو د ملکيت پرسر راپورته شوې وه د حل په موخه يې کلیوالي مشرانو او سیمه ییزو متنفذینو د اسلامي امارت د مشرانو سره سلا مشورې وکړې او د یوه مرکچي هیئت د مکررو ناستو په برکت يې دواړه خواوې روغې جوړې ته راضي کړې.
په پای کې ښکېلو خواوو ته د حق سپارلو ترڅنګ له هغوی تعهد واخېستل شو، چې په راتلونکي کې به له يو بل سره هېڅ ډول جنجالونه نه کوي بلکي په سوله او وروولي کې به ژوند ته ادامه ورکوي
