په کاپيسا ولايت کې د دوو کليوالو تر منځ ۱۳ کلنه دښمني په دوستۍ بدله شوه.
سه شنبه ۱۴۰۳/۶/٢٠
د کاپيسا ولايت په کوهستان ولسوالۍ کې د دوو کورنيو تر منځ راپورته شوی جنجال چې له يوه لوري پکې يو کس وژل شوی هم و او ترمنځ يې ژور اختلافات موجود وو، د ياد ولايت د سرحدونو، قومونو او قبايلو چارو د رياست د مسؤلينو په همکارۍ حل او فصل شوه.
دغه ديارلس کلنه اوږده شخړه چې د وخت بيلا بيلو خلکو يې د روغې جوړې هڅې کړې وې خو په له منځه وړلو يې بريالي شوي نه وو. اوس لله لحمد د ا.ا.ا د مشرانو، علماوو، قومي سپين ږيرو، ځوانانو او د ياد ولايت د سرحدونو، قومونو او قبايلو چارو د مسؤلينو په منځګړيتوب حل او دواړو خواوو يو بل وبښل.
دوی د جرګې غړو ته ډاډ ورکړ چې له نن وروسته به د ورورۍ په فضا کې وخت تيروي او يو بل ته به ستونزې نه جوړوي. دواړو خواوو د ا.ا.ا له مشرانو مننه وکړه چې دغه اوږده خونړۍ شخړه يې د دواړو طرفونو په رضایت هواره کړه.
