په کابل کې د قطر هیواد سفارت له سلاکار سره کتنه!
شنبه ۱۴۴۶/۲/۱۳
د سرحدونو، قومونو او قبايلو چارو وزير الحاج ملا نورالله نوري د قطر سفارت له سلاکار دوکتور مردف القاشوطي سره په خپل کاري دفتر کې وکتل. د کتنې پرمهال ښاغلي نوري په کابل کې د قطر هیواد، د سفارت مشاور او مل پلاوي ته ښه راغلاست ووايه، زیاته یې کړه: قطر د یوه مسلمان هیواد په توګه د افغانستان په اقتصادي پیاوړتیا کې مهم رول لري او د دواړو هیوادونو ترمنځ د اړیکو پراختیا ډېره اړینه ده. ښاغلي نوري د خپلو خبرو په دوام د قطر له حکومت څخه قدردانی وکړ او زیاته یې کړه چې موږ له دغه هیواد سره اوږدې تاريخي ريښې لرو او په یاد هیواد کې مو د خپلواکي لومړی ګام ایښی دی. هغه یاده کړه: اسلامي امارت یو مستحکم حکومت دی او خپل ولس ته د اسانتیاوو برابرولو په برخه کې شپه او ورځ کار کوي. په کابل کې د قطر سفارت سلاکار ښاغلي القاشطي د وزارت کړنې ګټورې وبللې، زیاته یې کړه: افغانستان يو اسلامي هيواد دی او افغانان زمونږ وروڼه دي. موږ به خپل وروڼه هيڅکله هم يواځې پرې نه ږدو. دا چې دا وطن ترقي، تعليم، بيارغونې او پرمختګ ته اړتيا لري، موږ به په دغو برخو کې له تاسو سره اوږه په اوږه ولاړ یو.
