په نیمروز کې د غوریانو او غلجیانو د قومي مشرانو او مخورو ستونزې واورېدل شوې!
د سرحدونو او قبایلو چارو وزارت د جرګو او قبایلي چارو د همغږۍ معین ښاغلي الحاج محمد یعقوب احمدزي نیمروز ته د خپل رسمي سفر په ترڅ کې نن په دغه ولايت کې د غوریانو او غلجیانو قومی مشرانو ستونزې واورېدې او دوې ته یې ډاډ ورکړ، چې ستونزې به یې له اړوندو چارواکو سره د حل په موخه شریکې کړې.
ښاغلي احمدزي دغه راز دوې ته بلنه ورکړه چې سبا په هغې جوړيدونکي ولسي غونډه کې برخه واخلي، چې د نظام او ملي ځواکونو په ملاتړ جوړيږي.
