په نیمروز ولایت کې د دوو کورنیو تر منځ را پېښه شوې شخړه په دوستي بدله شوه
۲۲/۱۰ ۱۴۴۵
د نیمروز ولایت په دلارام ولسوالۍ کې د دوو کورنیو ترمنځ د ترافیکي حادثې له کبله را منځته شوې شخړه چې پکې یو تن وژل شوی هم و، تېره ورځ د یاد ولایت د سرحدونو قومونو اوقبایلو چارو د رئیس الحاج صالح محمد مسافر، د سیمې قومي مخورو او د یاد ولایت د مسؤلینو په همکارئ حل شوه.
د دغې شخړې د حل پر مهال د سیمې قومي مخورو د خلکو ترمنځ په ورورګلوۍ او بښنه ټینګار وکړ او ښکېل لوري یې سولې ته راوبلل.
د مسؤلینو او مشرانو د مرکې په برکت دواړو لوریو یو بل ته بښنه وکړه او سره غاړه غړۍ شول.
