په نيمروز کې له قومي او سياسي شخصيت سره ليدنه
د سرحدونو او قبایلو چارو وزیر ښاغلي محب الله صمیم نیمروز ولایت ته د خپل سفر په ترڅ کې د سرحدونو او قبایلو چارو له پخواني وزیر او قومي مشر ښاغلي عبدا لکریم براهوي سره وکتل.
په دې لیدنه کې دواړو لورو، د سولې له روان بهیر څخه د ولسونو د ملاتړ، د قومونو په انسجام، د ولس او حکومت تر منځ د شته واټن په له منځه وړلو، سیاسي ثبات، د سولې او ملي یووالي په ټینګښت کې د قومي مشرانو، دیني علمانو، ځوانانو او مخورو د رول په اړه خبرې وکړې.
د يادونې وړ ده، چې د سرحدونو او قبایلو چارو وزیر محترم محب الله صمیم پرون د یو رسمي سفر په ترڅ کې نیمروز ولایت ته رسېدلې دی!
ټاکل شوې ده، په دې سفر کې ښاغلی محب الله صمیم له سیمه ییزو چارواکو، ولسي استازو، قومي مشرانو، ځوانانو، ښځو او د مدني ټولنو له غړو سره وګوري او شته ستونزې به یې له نږدې واوري.
