په لغمان کې ۴ کلنه او باغیس کې هم یو شخړه حل شوه
۱۰ صفرالمظفر ۱۴۴۷هـ.ق
د لغمان ولایت د دولت شاه او د بادغیس ولایت بالا مرغاب ولسوالیو کې د سرحدونو، قومونو او قبایلو چارو وزارت د دویمي واحدونو په هڅو، دوې اوږدمهاله شخړې په دوستۍ بدلې شوې.
لومړی د لغمان دولت شاه ولسوالۍ کې هغه شخړه چې شاوخوا څلور کاله وړاندې د دوو کورنیو ترمنځ د مالدارۍ پر سر رامنځته شوې وه چې له امله یې له مقابل لوري یو تن وژل شوی و، د یاد ولایت د سرحدونو، قومونو او قبایلو چارو آمریت، سیمې د سپین ږیرو او دیني علماوو په هلو ځلو هواره شوه.
بل خوا د بادغیس ولایت بالا مرغاب ولسوالۍ کې هغه قومي شخړه چې د دوو کورنیو تر منځ یې ژور اختلافات را پیدا کړي وو، د یاد ولایت د سرحدونو، قومونو او قبایلو چارو ریاست د مسئولینو او قومي مشرانو په هڅو پای ته ورسېده، دواړه کورنۍ د اخوت او اتفاق په تغر راټولې شوې، یو بل ته یې بښنه وکړه او د کرکې ترخې خاطرې یې د مهربانۍ او ورورولۍ په خوږو لحظو بدلې کړې
