په قومي چارو کې د وزارت له ستر سلاکار سره کتنه!
د سرحدونو او قبایلو چارو وزیر ښاغلي محب الله صمیم نن پنجشنبه د (۱۴۰۰) لمریز کال د غویی پر(۲)مه نېټه له ښاغلي الحاج ګل محمد اېرکین سره، چې د وزارت په وړاندیز او د جمهوري ریاست د عالي مقام د حکم پر بنسټ په قومي چارو کې د وزارت ستر سلاکار په توګه ټاکل شوی دی، په خپل کاري دفتر کې وکتل .
په یاده کتنه کې ښاغلي صمیم نوموړي ته د وزارت د سلاکار په توګه د ټاکل کېدو له امله د مبارکۍ ویلو ترڅنګ هغه یو قومي شخصیت وباله زیاته یې کړه: چې ښاغلی اېرکین له خلکو سره ډیرې نیږدې او حسنه اړیکې لري او د خپلې وړتیا او پوهې له مخې کولای شي، چې د هېواد په شمال کې د خپلې دندې سره سم د قومونو د يووالي، تر منځ یې د اړیکو د پیاوړتيا او پراختیا لپاره کار وکړي او دغه راز د ستونزو په حل کې ورسره مرسته وکړي او د ملي موخود لاسته را وړلو په برخه کې یې سره منسجم او همغږي کړي. دغه راز یې په چاروکې ورته د بریا هیله وکړه.
ښاغلي ایرکین هم د جلالتماب ولسمشر، د وزارت د مشرتابه له باور او اعتماد څخه مننه وکړه وې ويل: چې خپله دنده به د یو امتیاز نه، بلکې د یو مسوولیت په توګه په پوره صداقت تر سره کړم، هم به د ولس د یووالي لپاره کار وکړم او هم به د ملت او حکومت تر منځ د واټن په لنډولو کې خپلې هڅې روانې وساتم.
