په خوست کې د سولې پيغام راډيو څخه ليدنه!
د افغانستان اسلامي جمهوريت د سرحدونو او قبایلو چارو وزیر ښاغلي محب الله صمیم او ورسره مل پلاوي نن په دغه ولايت کې د سولې پیغام راډیو څخه لیدنه وکړه او د سولې پیغام راډیو د پراختيا او اغېزمنتيا چارې یې وستایلې.
ښاغلي صميم د راډیو ارزښت او اغېزمنتيا ته په اشارې سره وويل: راډيو لا هم د ډله ايزو اطلاعاتو رسولو يوه ګټوره وسيله او رسنی ده، چې د هېواد په ګوټ ګوټ کې زيات اوريدونکي او مينه وال لري.
په پام کې وه چې د سولې پیغام راډیو له سټډیوګانو څخه د ښاغلي صميم ځانګړې ژوندۍ مرکه هم خپره شي خو د وخت د کموالي او بوختياوو له امله دا مرکه مناسب وخت ته وځنډېدله خو ژمنه یې وکړه چې له کابله به د سکایپ یا تېلفون له لارې مرکه وکړي.
