پر پوهنتونونو او اکاډمیکو مرکزونو برید د ظلم، جنایت او جهالت وروستۍ حد دی.
د زیات تاسف ځای دی، چې د هېواد د علم، پوهې، سوکالۍ او پرمختګ دښمنانو د خپلو وحشیانه جنایتونو په دوام نن سهار د کابل پر پوهنتون وسله وال برید کړی، چې له امله یې د نجونو په ګډون زموږ یو شمېر بېګناه محصلان شهیدان او ټپیان شوي دي.
انا لله و انا الیه راجعون
وحشي ترهګر، چې د افغانستان د سوکالۍ، پرمختګ او دعلم او پوهې دښمنان دي، هېڅکله هم نه غواړي افغانستان پرمختګ وکړي او د نړۍ له نورو هېوادونو سره سیال شی، دغه شان کړغېړن بریدونه په هېڅ ډول توجیه کېدای نه شي او افغانان ورته د ستر جنایت او جهالت په سترګه ګوري.
د سرحدونو او قبایلو چارو وزارت په داسې حال کې، چې د هېواد د علم او پوهې پر ضد د ترهګرو دغه شان وحشیانه عملونه په کله غندي، د پېښې شهیدانو ته د فردوس جنت، ټپیانو ته سملاسي روغتیا او د شهیدانو وارثانو ته د جمیل صبر هیله کوي.
محب الله صمیم
د سرحدونو او قبایلو چارو سرپرست او نوماند وزیر
