ننګرهار کې پنځوس کلنې شخړې پای وموند
شنبه ۱۴۴۶/۸/۹
د ننګرهار ولايت د اچين ولسوالۍ په پيښې سيمه کې د دوو قومونو تر منځ د ځمکې د ملکيت پر سر راپورته شوې شاوخوا پنځوس کلنه شخړه، چې اوږده جنجالونه لو بدبینۍ یې پېښي کړې وې حل او طرفين د سوله ييز ژوند له خواږه نعمته برخمن شول.
د ننګرهار ولايت د سرحدونو، قومونو او قبايلو چارو رئيس حافظ رحمت الله غازي عمر په مشري، د اچين ولسوالۍ مسؤلينو، قومي مشرانو او ځایي خلکو په دوامداره همکاريو له ښکېلو خواوو سره د څو ناستو په پايله کې هغوی سولې ته را وبلل او تر منځ یې د شریعت په رڼا کې د خیر فيصله وشوه، چې د دواړو خواوو د خوښۍ سبب وګرځېده.
ښکېلو خواوو چې د بدۍ اوږدې رېښې يې سره پرې شوې او د خوښۍ ژوند يې پيل کړ د اسلامي امارت له مسؤلينو سره یې د مننې تر څنګ ژمنه وکړه، چې تردې وروسته به د یو بل په وړاندې خنډونه نه ایجادوي او د ورورۍ ژوند به کوي.
